Докторантура

Докторантура бағдарламалары – жоғары білімнің ғылыми және ғылыми-педагогикалық кадрларын даярлауға арналған бағдарламалар, бұл инновациялық салада жұмыс жасауды жоспарлап отырған студенттерге арналған.

Докторантураға магистр дәрежесі бар тұлғалар ғана қабылданып, олар өз бетінше зерттеу жұмыстарын жүргізеді және PhD Философия докторы дәрежесін алу үшін докторлық диссертация қорғап шығады.

Сәтбаев Университетіндегі докторантура халықаралық ғылыми жобалар жұмыстарымен тығыз байланысты. Шетелдік жетекші университеттерде және әлемдік ғылыми орталықтарда міндетті практикадан және тағылымдамадан өтуден басқа, докторлық бағдарлама екі ғылыми жетекшінің – отандық және шетелдік жетекшінің басшылығымен докторлық диссертация жазуды көздейді.

Бағдарлама түлектері өндіріс орындарының ғылыми бөлімдерінде жұмыс істейді, жоғары оқу орындарында сабақ береді, ғылымды қажетсінетін жоғары технологиялық өндірістер үшін жаңа технологиялар жасайды.