Бакалавриат

Сәтбаев Университетінің білім беру бағдарламалары жоғары білімнің бірінші деңгейінде (бакалавриат) студенттердің таңдаған кәсіптік саласы бойынша әлемдік стандарттарға сай іргелі білім беруге бағытталған. Бакалавриат бағдарламалары кәсіби мансапқа қадам басатын орта мектеп пен колледж түлектеріне арналған.

Оқуға түсу кезінде студенттер әр бағдарлама шеңберінде оқу жолын таңдайды, бұл ҰБТ тапсыру кезінде бейінді пәндерді таңдауға әсер етеді. ҰБТ-ның ең төменгі шектік баллы – 70 балл.

Оқыту Кредиттік технологиялар бойынша жүргізіледі. Білім беру бағдарламасын меңгеру барысында студенттер өздерінің жеке оқу жолдарын өз бетінше анықтайды. Таңдау кезінде студент типтік оқу жоспарын, элективті пәндер каталогын және эдвайзерлердің ұсыныстарын басшылыққа алады. Студенттердің таңдап алған оқытушылары мен оқу пәндері негізінде олардың жеке оқу жоспарлары құрылады. Сонымен қатар студенттерде курстық және дипломдық жұмыстардың тақырыптарын, ғылыми жетекшіні таңдауға мүмкіндік бар.

Түлектер «Техника және технологиялар бакалавры» біліктілігі бар жоғары білім туралы диплом алады және білімдеріне сәйкес саладағы кәсіпорындарда инженерлер немесе мамандар болып жұмыс істей алады. Бакалавр дәрежесі магистратураға түсуге құқық береді.